Загрузка...

Vəkili Fərman Ceyranlıya bəraət istəyib

Vəkili Fərman Ceyranlıya bəraət istəyib
Загрузка...
 "Fərman Ceyranlı cinayət işində qeyd olunan halların heç birinə görə, məsuliyyət daşımır. Onun barəsində bəraət hökmü çıxarılmalıdır". "Turan” İnformasiya Agentliyinin məlumatına görə, Gürcüstanda həbs olunan azərbaycanlı cərrah, "Lancet" klinikasının həmtəsisçisi Fərman Ceyranlının vəkili Ghela Nikolashvili fevralın 6-da Tbilisi şəhər Məhkəməsində keçirilən prosesdəki çıxışında belə deyib.
F.Ceyranlının qızı Lalə Hüseynli və Tbilisidə yaşayan azərbaycanlı siyasi fəal Daşqın Ağalarlı "Turan"-a bildirib ki, prosesdə vəkillərin çıxışı dinlənilib. Onlar dövlət ittihamçısının bundan əvvəlki məhkəmə iclasında səsləndirdiyi ittihamlara münasibət bildiriblər. Vəkillər F.Ceynralıya qarşı Gürcüstanın Cinayət Məcəlləsinin 180 və 247-ci maddələri ilə (dələduzluq və insanların həyatı və sağlamlığına təhlükə yaradan informasiyanı gizlətmək) irəli sürülmüş ittihamları tamamilə rədd ediblər. Vəkillər cərrahın həbsinin əsas motivinin siyasi olduğunu ifadə ediblər. Onlar məhkəmədə deyiblər ki, azərbaycanlı cərrahla bağlı indiyədək çıxarılmış qərarların hamısı biabırçı, qanunsuz olub.
"Fərman Ceyranlı klinikanın təsisçisidir. Ancaq bu sənədlərdə onu direktor kimi göstəriblər. "Lancet" klinikasının direktoru tamamilə başqasıdır. Təsisçi bu işin materiallarında göstərilən halların heç birinə görə məsuliyyət daşımır, xəstənin müalicə həkimi olmayıb, onu əməliyyat etməyib. Onun heç xəstələri konsultasiya etmək hüququ da olmayıb", -D.Ağalarlının bildirdiyinə görə, vəkillər məhkəmədə belə deyib.
D.Ağalarlı deyib ki, vəkillər məhkəmə çıxışlarında həmçinin prokuroru cinayət işinə milli ayrı-seçkilik salmaq məzmununda yanaşmaqda ittiham ediblər. Prokurorun bu ittihamları təkzib edə bilmədiyi bildirilir. Vəkillərin çıxışlarından sonra proses təxirə salınıb. Fevralın 8-də F.Ceyranlı son söz deyəcək. Həmin gün cərraha hökm oxunacağı da gözlənilir. Əslən Gürcüstandan olan Fərman Ceyranlı 1980-ci illərdən Azərbaycanda yaşayıb, burda təhsil alıb və işləyib. 1993-cü ildən Azərbaycan Səhiyyə Nazirliyində Elm İdarəsinin rəisi, 1994-cü ildə M.Topçubaşov adına Elmi Cərrahlıq Mərkəzinin direktor müavini, 1995-ci ildən isə həmin mərkəzin direktoru vəzifələrində çalışıb.
Eyni zamanda, Səhiyyə Nazirliyinin baş cərrahı olub. O, bir neçə il əvvəl Gürcüstana gedərək "Lanset" klinikasının yaradıcılarından biri olub və bu il mayın 22-də həbs edilib. F.Ceyranlı Gürcüstan CM-nin 180 və 247-ci maddələri ilə ittiham olunur. Cərrah dələduzluq, insanların həyatı və sağlamlığına təhlükə yaradan informasiyanı gizlətməkdə təqsirləndirilir.
Cinayət işi klinikada 2017-ci ildə qaraciyər köçürməsindən sonra vəfat edən bir xəstənin qohumunun şikayəti əsasında qaldırılıb. Ötən ayın sonunda cərrahın hüquqlarını müdafiə edən vəkillər F.Ceyranlının həbsi ilə bağlı bəyanat yaymışdılar. Həmin bəyanatda deyilirdi ki, Fərman Ceyranlı siyasi sifarişlə həbs olunub. Səbəb isə onun Azərbaycandakı bir sıra müxalifətçilərin Tbilisidəki "Lancet"də müayinə və müalicəsinə şərait yaratmasıdır.
Загрузка...
Загрузка...

Xəbər lenti