''Rövşən Əhmədovu polis oğlu ədalət mühakiməsindən gizlədir'' - Ziya Məmmədovun müşavirinin vəkili Ramil Usubova müraciət etdi

''Rövşən Əhmədovu polis oğlu ədalət mühakiməsindən gizlədir'' - Ziya Məmmədovun müşavirinin vəkili Ramil Usubova müraciət etdi
Загрузка...
Keçmiş nəqliyyat naziri Ziya Məmmədovun sabiq müşaviri, Avtonəqliyyat Xidmətinin keçmiş rəisi Çingiz Baxşıyevin vəkili Ceyhun Yusifov daxili işlər naziri Ramil Usubova müraciət edib. Gununsesi.info-nun xəbərinə görə, müraciətdə deyilir:
 
"Cənab nazir, Rövşən Əhmədovun barəsində məhkəmə həbsli axtarış qərarı verib. Nəzərinizə çatdırım ki, Rövşən Əhmədov Bakı Apellyasiya Məhkəməsinin inzibati binasına gəlsə də, oğlunun təhriki ilə məhkəmə binasına daxil olmayaraq, qaçıb ərazini tərk etmişdi. Bu hal məhkəmə prosesləri zamanı dəfələrlə baş vermişdi. Nəticədə məhkəmə Rövşən Əhmədov barəsində dəfələrlə qətimkan tədbirinin tələbini pozduğu üçün həbsli axtarış qərarı vermişdi. Təəssüf ki, Rövşən Əhmədovu gizlədən oğlu DİN-də inspektor vəzifəsində çalışan polis zabiti Şahmar Əhmədovdur. Belə ki, o, açıq şəkildə vəzifə səlahiyətindən sui-istifadə edib əvvəllər dəfələrlə cinayət törətmiş Rövşən Əhmədovu ədalət mühakiməsindən gizlədir. Çəkinmədən "onu heç kəs tapa bilməz” kimi xəbər də göndərir. Eyni zamanda müxtəlif mətbuatla diqqəti yayındırmaq üçün şər-böhtan xarakterli məlumatlar yayır.
 
Bu gün konkret olaraq Rövşən Əhmədovun barəsində məhkəmənin həbsli axtarış qərarı var. Üç dəfə barəsində cinayət törətdiyinə görə hökm çıxıb. Maraqlıdır polis zabiti Şahmar Əhmədovun vəzifəsi cinayətkarlıqla mübarizədir, yoxsa cinayətkarı qaçırıb ədalət mühakiməsindən gizlətmək? Çingiz Baxşıyevin və onun ailə üzvlərinin külli miqdarda qızıl-zinət əşyalarını mənimsəməkdən sonra 2 gün ərzində 700 min manatlıq əmlak əldə ediblər. Bu fakt ortaya çıxandan sonra Rövşən Əhədovun ailəsi müxtəlif görüntülər yaratmaqla bizə təyziq edirlər.
 
Bundan başqa, qanunsuz olaraq avtomobilin dövlət qeydiyyat nişanı Rövşən Əhmədovun oğlu Şahmar Əhmədovun satması ilə bağlı Daxili İşlər Nazirliyinə videomaterial da göndərmişik. O, vəzifə səlahiyyətini aşıb, etibardan sui-istifadə edib. Amma onun himayədarları sizə göndərdiyimiz onlarla şikayəti ört-basdır ediblər, araşdırılmasına imkan vermirlər. Əgər onun əməllərinə vaxtında DİN-in Daxili Təhqiqat idarələrinin biri qiymət versəydi, o bu gün heç nədən çəkinmədən ağır cinayətin törədilməsində ittiham olunan atasını gizlətməzdi. Cənab nazir, biz Sizə və hüququn aliliyinə inanırıq və növbəti dəfə müraciət edərək hüquqlarımızın bərpa olunmasına nail olacağıq”.

Criminal.az xatırladır ki, istiqlal.az saytı bir neçə gün əvvəl yazmışdı ki, Çingiz Baxşıyevin şikayəti əsasında 1 ildən çox həbsdə olan və bəraət alan Rövşən Əhmədovun özünü öldürmək istəməsində əsas suçlu şəxs kimi sabiq müşavirin adı keçir. Rövşən Əhmədovun özünü öldürmək istəməsi faktına görə Səbayel Rayon Prokurorluğunda Cinayət Məcəlləsinin 125-ci maddəsi ilə cinayət işi başlanıb. Bildirlir ki, özünü öldürmə həddinə çatdırma maddəsi ilə başlanmış cinayət işində əsas təqsirləndirilən şəxs Çingiz Baxşıyev ola bilər. Yaxın günlərdə Çingiz Baxşıyevi bu iş üzrə çağırıb dindirəcəklər. Bundan sonra sabiq müşavir həbs oluna bilər. Rövşən Əhmədov ötən ilin son günlərində özünü zəhərləyərək komaya düşmüşdü. Bundan əvvəl isə məktub yazıb ölümündə Çingiz Baxşıyevi günahlandırmışdı. Ona və ailəsinə qarşı təzyiqlər etməsindən dolayı həyatla vidalaşmaq qərarını verdiyini yazmışdı. Bundan əvvəl isə Rövşən Əhmədov sabiq müşavirin işləri barədə ciddi ittihamlar səsləndirmişdi.
Загрузка...
Загрузка...

Xəbər lenti