Həbsdən çıxan jurnalistin cərimələnməsi istənilir

Həbsdən çıxan jurnalistin cərimələnməsi istənilir
Загрузка...

Bu il həbsdən azad edilən jurnalistin 200 min manat cərimələnməsi istənilir.

Söhbət ötən ilin sonunda böhtanda təqsirləndirilərək həbs edilən vəvaxtından əvvəl azad edilənrealliq.az saytının redaktoru İkram Rəhimovdan gedir.

Jurnalisti “Az-Qranata” Məhdud Məsuliyyətli Cəmiyyəti (MMC) məhkəməyə verib. Bu haqda İ.Rəhimovun özü bildirib:

“Adı çəkilən müəssisə realliq.info saytında yayılmış “Az-Qranata”nın məhsulları həyat üçün təhlükəlidir” sərlövhəli yazıdan narazı qalıb. Şirə, içki istehsalı sahəsində tanınan müəssisə həmin yazı ilə işgüzar nüfuzuna ziyan dəydiyini iddia edir”

“Az-Qranata”MMC Masallı Rayon Məhkəməsinə müraciət edib.

Məhkəmədən xahiş edilir ki, jurnalistin və realliq.infosaytının üzərində qeyd olunan yazını təkzib etmək, “Az-Qranata”MMC-dən üzr istəmək vəzifəsi qoysun.

Bundan əlavə, saytın və jurnalistin birlikdə 200 min manat cərimə ödəməsi istənilir.

İ.Rəhimov iddia ilə razılşmır.

“Az-Qranata”MMC-nin iddiası məhkəmədə icraata qəbul edilib. Hakim Firdovsi Əliyevin icraatına verilmiş iddia üzrə məhkəmə dekabrın 18-də başlayacaq.

Xatırlatma

Realliq.az saytının redaktoru İkram Rəhimov 2016-cı ildə Sumqayıtdakı «Ucuz market» ticarət mərkəzinin rəhbərinin xüsusi ittiham qaydasında şikayəti əsasında həbs olunmuşdu.

İ.Rəhimov saytda R.Novruzov soyadlı bir şikayətçinin məktubunu dərc edib. Məktubda iddia olunub ki, həmin ticarət rəhbəri şəhərin icra hakimiyyəti başçısına rüşvət verib.

Sumqayıt Şəhər Məhkəməsi ötən ilin noyabrında həm redaktoru, həm də ona şikayət məktubu yazan Rəhman Novruzovu Cinayət Məcəlləsinin 147.1-ci (böhtan) maddəsi ilə günahkar bilərək, bir il azadlıqdan məhrum edib.

Redaktor mühakimə edildikdən sonra vəkili vasitəsilə, hələ polisdə saxlanarkən şəhər rəhbərliyinin göstərişi ilə ona işgəncə verildiyini açıqlamışdı.

Daxili İşlər Nazirliyi, eləcə də, Sumqayıt şəhər İcra Hakimiyyəti redaktorun bu iddiasını təkzib etmişdilər.

Sumqayıt Apellyasiya Məhkəməsi martın 1-də böhtanda təqsirləndirilərək həbs edilmiş redaktoru və mediaya müraciət yazmışRəhman Novruzovu vaxtından əvvəl, məhkəmə zalından azadlığa buraxıb.

İ.Rəhimovun işi üzrə yerli məhkəmələrin qərarlarından Avropaİnsan Hüquqları Məhkəməsinə şikayət edilib.

Загрузка...
Загрузка...

Xəbər lenti